FHN-in Gəncə Regional Mərkəzi tərəfindən rəhbər heyətin mülki müdafiə məşqləri təşkil edilib - FOTO

Fövqəladə Hallar Nazirliyinin Gəncə Regional Mərkəzi tərəfindən Samux Rayon Statistika İdarəsində, “Azəriqaz” İstehsalat Birliyi Gəncə Regional Qaz İstismar idarəsinin Samux rayon sahəsində, “Azərişıq” ASC-nin Qərb Regional Enerji Təchizatı və Satışı idarəsinin Samux Elektrik şəbəkəsində “Fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə edilməsinin təşkili” mövzusunda rəhbər heyətin nümunəvi mülki müdafiə məşqləri keçirilib.

Publika.az xəbər verir kiI, məşqlərin keçirilməsində əsas məqsəd rəhbər və komandir-rəis heyətinin fövqəladə hadisələrlə bağlı hazırlıq səviyyəsinin yoxlanılması və bu sahədə bilik və bacarıqlarının təkmilləşdirilməsi olub.

Məşqlər zamanı yaranmış şərti fövqəladə vəziyyətlə əlaqədar rəhbər və komandir-rəis heyətinin fəaliyyəti qiymətləndirilib, həmçinin funksional vəzifələrlə bağlı məruzələr dinlənilib.

Uğurla reallaşdırılan məşqlərdən sonra əldə edilmiş nəticələr müzakirə olunub, aidiyyəti üzrə tapşırıqlar verilib.