Sosial

Bu çayda zəhərli maddə aşkarlandı - FOTO

24 Avqust 2026 16:37

İdxal olunan qida məhsullarına fiziki nəzarət zamanı Çin mənşəli 4 məhsulda uyğunsuzluq aşkarlanıb.

Publika.az xəbər verir ki, bu barədə Qida Təhlükəsizliyi Agentliyi məlumat yayıb.

Bildirilib ki, nəzarət tədbirləri çərçivəsində məhsul partiyalarından nümunələr götürülərək laborator müayinələrə cəlb edilib. Aparılan müayinələr nəticəsində yaşıl çayda pestisid qalığı, əriştədə və çörək qırıntılarında kif və maya göbələkləri müəyyən olunub.

Qeyd edək ki, uyğunsuzluq aşkarlanan məhsullardan 3-ü Çindən, “Şam-Fi İnterneşnl Tredinq Kompani” MMC-nin idxal etdiyi əriştə məhsulu isə Rusiyadan gətirilərkən yoxlamalara cəlb edilib.

Faktla bağlı qanunvericiliyə uyğun tədbirlər görülüb, məhsul partiyalarının ölkə ərazisində dövriyyəyə buraxılmasının qarşısı alınıb.

№	İdxalçı şirkət	İstehsalçı şirkət	Məhsulun adı	Aşkarlanmış uyğunsuzluq	Məhsulun istehsal və son istifadə tarixi
1	“Herba Flora” MMC	Zhejiang Chunli Tea Co., LTD	yaşıl çay	Pestisid qalığı (Dinotefuran)	01.09.2025 - 01.09.2028
2	Feng Jiang	Chen Keming Food Co., LTD	əriştə	Kif və maya göbələkləri	17.12.2025 - 17.12.2027
3	“Premium Food Baku” MMC	Yantai Yuji Foodstuff Co., LTD	panko çörək qırıntıları	Kif və maya göbələkləri	06.01.2026 - 05.01.2028
4	“Şam-Fi İnterneşnl Tredinq Kompani” MMC	Tianjn Xingda Heping Food Co., LTD	əriştə	Kif və maya göbələkləri	09.11.2025 - 09.11.2027