Elşad Həsənov sakinləri inzibati binada qəbul etdi - FOTOLAR

Azərbaycan Respublikasının Prezidenti cənab İlham Əliyevin vətəndaş müraciətlərinə həssas yanaşılması və onların problemlərinin operativ həlli ilə bağlı qarşıya qoyduğu vəzifələrin icrası məqsədilə Yasamal rayonunda sakinlərin növbəti qəbulu keçirilib.

Publika.az xəbər evrir ki, Yasamal Rayon İcra Hakimiyyətinin başçısı Elşad Həsənov rayon sakinlərini icra hakimiyyətinin inzibati binasında qəbul edərək onların müraciət və şikayətlərini dinləyib. Sakinləri salamlayan icra başçısı müraciətlərin diqqətlə araşdırılacağını və qaldırılan məsələlərin qanunvericiliyə uyğun şəkildə həlli üçün zəruri tədbirlərin görüləcəyini bildirib.

Qəbul zamanı sakinlər göstərilən diqqət və qayğıya görə Azərbaycan Respublikasının Prezidenti cənab İlham Əliyevə minnətdarlıqlarını ifadə ediblər. Onlar əsasən Sovetski ərazisində dövlət ehtiyacları üçün torpaq sahələrinin alınması, köçürülmə ilə əlaqədar maddi kompensasiya məbləği, söküntü nəticəsində dəymiş ziyana görə kompensasiya, bina həyətlərində şlaqbaumların quraşdırılması, rayonda idman yarışlarının dəstəklənməsi, iş və digər sosial məsələlərlə bağlı müraciətlərini diqqətə çatdırıblar.

Yasamal Rayon İcra Hakimiyyətinin başçısı Elşad Həsənov hər bir sakinin müraciətini dinləyərək qaldırılan məsələlərin həlli istiqamətində aidiyyəti şəxslərə müvafiq tapşırıqlar verib. Üç saata yaxın davam edən qəbul zamanı bir sıra məsələlərin həlli ilə bağlı operativ tədbirlər görülüb, əlavə araşdırma tələb edən müraciətlər isə nəzarətə götürülərək icrasının təmin edilməsi üçün aidiyyəti üzrə yönləndirilib.