Qasparyan işə çıxdı, böhran davam edir – erməni ordusunun üç Qərargah rəisi var

Ermənistanda Baş Qərargah rəisi vəzifəsi üzərində yaranmış böhran davam edir.

Publika.az xəbər verir ki, məhkəmə Onik Qasparyanı vəzifəsində saxladıqdan sonra o, bu gün səhər işə çıxıb.

Qasparyan vəzifəsindən uzaqlaşdırılmaqla bağlı qərardan İnzibati Məhkəməyə şikayət vermişdi. Dünən məhkəmə hökm çıxardı ki, iddiaya baxılması prosesi başa çatmayana qədər yeni Baş Qərargah rəisi təyin etmək olmaz, beləliklə, Qasparyan hələ ki, vəzifəsindədir.

Ermənistan hökuməti məhkəmənin qərarını tanımadığını, Qasparyanın artıq Baş Qərargah rəisi olmadığını açıqlayıb.

Müdafiə naziri Vaqarşak Arutyunyan da Qasparyanın vəzifəsində qalmadığını bildirib.

Lakin Qasparyanın işə çıxması Ermənistan Silahlı Qüvvələrinin Baş Qərargah rəisi vəzifəsinə üç iddiaçının olması vəziyyətini yaradıb: Məhkəmə qərarı ilə vəzifəsində qalan Qasparyan; Paşinyan tərəfindən irəli sürülən, prezident tərəfindən hələ təsdiqlənməmiş Artak Davtyan; Baş Qərargah rəisi vəzifəsini müvəqqəti icra edən müavin Stepan Qalstyan;

Böhran davam edir.

Asif