Sarkisyanın sabiq cangüdəni həbs edildi
Bizi izləyin

Cənubi Qafqaz

Sarkisyanın sabiq cangüdəni həbs edildi

Serj Sarkisyanın keçmiş təhlükəsizlik rəisi həbs edilib.

Publika.az xəbər verir ki, Ermənistanın eks-prezidenti Serj Sarkisyanın təhlükəsizlik xidmətinin keçmiş rəisi Vaçaqan Qazaryan həbs edilib. Bu barədə "Sputnik Armenia"ya vəkil Mher Akopyan məlumat verib.

Vəkil bildirib ki, istintaq sirri ilə bağlı açıqlama verilməməsi barədə müqavilə imzaladığı üçün işin təfərrüatlarını açıqlaya bilməz.

Xatırladaq ki, Vaçaqan Qazaryan 2018-ci il iyunun 25-də "məxməri inqilab"la əlaqədar pulla dolu portfellə bankdan çıxarkən saxlanılıb. Ondan 123 min dollar və 436 milyon dram (904 min dollar) götürülüb. Həmçinin, onun həyat yoldaşının evinə baxış zamanı 35 milyon dram (72,5 min dollar), 1,11 milyon dollar və 230,5 min avro aşkar edilib. Qazaryana məxsus "Yans Club"da isə 1,5 milyon dollardan çox nağd pul aşkarlanıb. O, həbs edilib və daha sonra zaminə buraxılıb.

İstintaq dövründə Qazaryan büdcəyə 5,8 milyon dollar qaytarıb.

Mehti Kamiloğlu

Oxumağa davam et
Reklam
Reklam

Gündəm