Cənubi Qafqaz

Separatçılara İLK ZƏRBƏ: Maskalı şəxslər Şahramanyanın mühafizəçisini apardılar - FOTO

20 Fevral 2024 23:00

"Bir müddət əvvəl maskalı şəxslər Samvel Şahramanyanın ictimai əsaslarla işləyən mühafizəçisi Aşot Danelyanı mülki avtomobildə saxlayıb, əl-qolunu qandallayıb şəxsi avtomobili ilə naməlum istiqamətə aparıblar".

Publika.az xəbər verir ki, bunu “Hraparak” a müsahibəsində onun vəkili Roman Yeritsyan bildirib.

O deyib ki, internetdə Samvel Şahramanyana qarşı sözügedən hərəkətlərin həyata keçirildiyi barədə məlumatlar həqiqətə uyğun deyil.

“Bu gün İrəvanın mərkəzində maskalı asayiş keşikçiləri tərəfindən həyata keçirilən açıq-aşkar qanunsuz hərəkətlər daha bir şəxsə qarşı yönəlib, yaxın vaxtlarda onun haqqında müvafiq açıqlama verəcəyik”, - Yeritsyan deyib.

Qeyd edək ki, ötən ilin 19-20 sentyabr tarixlərində Ordumuzun keçirdiyi lokal xarakterli antiterror tədbirlərindən sonra separatçı rejim ağ bayraq qaldıraraq, təslim olub və özünü buraxıb.

Hüseyn İbadlı