Cazibədar italyan qadınları kimi görünməyin 5 sirri - Fotolar

İtalyan qadınlarının 70-ci illəri xatırladan stili çox spesifikdir. Dəb həftələrinin xronikalarını nəzərdən keçirəndə də Milan street style ulduzlarının fərqini hiss etmək olur. Qarşıdakı yaz-yay mövsümündə italyan qadınları kimi görünmək istəyirsinizsə, bu yazını diqqətlə oxuyun.

Tabloid.az "buro 247.az"-a istinadən Milan moda həftəsinin 5 trendini təqdim edir:

Denim
Denim geyimləri təkcə gəzintilərə deyil, ziyafətlərə də geyinmək mümkündür. Məsələn, Dolce&Gabbananın yeni kolleksiyasındakı daş-qaşlarla bəzədilmiş cins şalvarlar məhz elə ziyafət üçündür. Gucci, Fendi və Alberta Ferrettinin də kolleksiyalarında cinsə rast gəlinir.

Saçaq
Saçaqlı paltarların gələn il də dəbdən getmək fikri yoxdur. Ona görə qarderobunuza bol-bol saçaqlı çantalar, ətəklər və toplar ala bilərsiniz.

Qladiator ayaqqabıları
Dikdaban, yaxud dabansız - fərqi yoxdur, italyan kimi görünmək istəyənlər qladiator ayaqqabılarını əskik etməsinlər. Alberta Ferretti, DSquared2 və Fausto Puglisinin kolleksiyalarından nümunələr götürün.

Parça kəmərlər
Artıq daş-qaşlı, dəri kəmərlərin vaxtı keçib. İndi növbə eleqant parça kəmərlərindir. Beli incə göstərən bu kəmərlər ingilis hersoginya Keyt Middltonun da sevimlisidir.

70-lər
Geyimlərinizdə hakim rəng qəhvəyi, tünd yaşıl, bordo, narıncının solğun çalarları olsun. İpucu üçün Gucci, Pucci və Alberta Ferrettinin kolleksiyalarına nəzər yetirin.