• USD 1,7339 0,00% EUR 1,8651 +1,90%
    • GBP 2,2098 +0,44% RUB 0,0271 +0,37%

Bakıda “Avropa Oyunları müstəvisində anti-Azərbaycan kampaniyası” mövzusunda “dəyirmi masa” keçirilib

Bakıda “Avropa Oyunları müstəvisində anti-Azərbaycan kampaniyası” mövzusunda “dəyirmi masa” keçirilib

“Bakı-2015” Birinci Avropa Oyunlarına dəstək qrupu üzvlərinin təşəbbüsü ilə mayın 5-də Bakı Beynəlxalq Mətbuat Mərkəzində “Avropa Oyunları müstəvisində antiazərbaycan kampaniyası” mövzusunda “dəyirmi masa” keçirilib.

AZƏRTAC xəbər verir ki, Milli Məclisin deputatı Fəzail Ağamalının sədrliyi ilə keçirilmiş tədbirdə ictimaiyyətin nümayəndələri və tələbələr çıxış ediblər.

Qeyd olunub ki, son vaxtlar bəzi dairələr Azərbaycan əleyhinə qarayaxma, böhtan kampaniyası keçirir. Məqsəd Birinci Avropa Oyunları ərəfəsində ölkənin imicinə xələl gətirməkdir.

Elan edilib ki, belə kampaniyalara qarşı mübarizə aparmaq üçün sosial şəbəkələrdə “Bakı-2015” Birinci Avropa Oyunlarına dəstək qrupu yaradılıb. Artıq sayı 10 min nəfərdən çox olan qrup iştirakçıları Azərbaycanda keçiriləcək Birinci Avropa Oyunları haqqında internetdə fəal informasiya yaymaqla bu pozuculuq fəaliyyətinə qarşı mübarizə aparmaq niyyətindədirlər. Çıxış edənlər bildiriblər ki, qrupun iştirakçıları arasında Böyük Britaniya, Fransa, Almaniya və İspaniyanın, başqa ölkələrin xeyli vətəndaşları vardır.

Həmçinin qeyd edilib ki, Birinci Avropa Oyunlarının burada keçirilməsi ölkəmizin özünü dünyaya tanıtmasına daha geniş imkanlar yaradacaq.

Xəbər lenti

DAHA ÇOX XƏBƏR