Bakı 2015

Bakı 2015: Ayağı tutulduğuna görə uduzdu

25 İyun 2015 12:22

Dünya gümüş medalının sahibi, turnir öncəsi favoritlərdən biri sayılan almaniyalı Karolin Qolubitski qıcolmadan şikayət edir.

Publika.az xəbər verir ki, o, Avropa Oyunlarında qadınların rapira ilə fərdi yarışların 1/4 finalında uğursuzluğunu bununla əlaqələndirib.

Qolubitski italiyalı Alise Volpi ilə 1/4 final görüşünün ilk dəqiqələrində sağ baldır əzələsinin qıc olduğunu bildirir. Yoxsa, 15:5 hesabı ilə məğlub olmazdı: "Mənim sağ baldırımda qıcolma var idi. Bu, pis idi, amma heç nə etmək mümkün deyildi. Bu, utancvericidir. Mən yarışa yaxşı başlamamışdım və heç yaxşı da bitirə bilmədim".