• USD 1,7339 0,00% EUR 1,8516 0,00%
    • GBP 2,1859 0,00% RUB 0,0272 0,00%

Rusiyanın İŞİD yalanı ortaya çıxdı: qırıcılar kimi vurur?

  • Dünya
  • 23 Oktyabr 2015 00:28
  • 1 909 Baxış
Rusiyanın İŞİD yalanı ortaya çıxdı: qırıcılar kimi vurur?

Rusiyanın Suriyada vurduğu obyektlərin təxminən 80 faizi İŞİD terror təşkilatının nəzarətində olmayan bölgələrdə yerləşir.

Publika.az xəbər verir ki, bu barədə Rusiyanın Müdafiə Nazirliyinin açıqladığı məlumatlara istinadən “Reuters” agentliyi yazıb.

“Bu statistika Moskvanın iddialarının tamamilə əsassız olduğunu göstərir. Moskva onun Suriyada həyata keçirdiyi əməliyyatların əsas hədəfinin İŞİD terror qruplaşması olduğunu bildirir”, - jurnalist Cek Stabbs qeyd edib.

Analizə əsasən, aviqazərbələrin əsas hissəsi Bəşər Əsədə qarşı olan digər qruplaşmaların nəzarət etdiyi bölgələrə endirilib. Bildirilir ki, onların arasında Vaşinqton və onun müttəfiqlərinin dəstəklədiyi Suriyanın mülayim müxalifəti də var.

Rusiya Müdafiə Nazirliyinin hərbi xəritələr üzrə onlayn-arxivindən görünür ki, Rusiya əməliyyatın başlanmasından bu yana Suriyada 64 yaşayış məntəqəsini vurub. Bu yaşayış məntəqələrindən yalnız 15-i İŞİD-in nəzarətindədir. Analizdə qeyd edilir ki, bu məlumatlar ABŞ və onun müttəfiqlərini Rusiyanın əməliyyatları ilə bağlı fikrlərini təsdiqləyir. ABŞ və onun müttəfiqləri hesab edir ki, Rusiya Suriyada məhz Əsədin hakimiyyətini qorumaq üçün əməliyyatlara başlayıb.

Rusiya isə bu iddiaları qəti şəkildə rədd edir.

Ömər Dağlı

Xəbər lenti

DAHA ÇOX XƏBƏR