Dünya
İyulun 1-dən şəbəkə istifadəçiləri vergi verəcək
Şərqi Afrikada, Uqanda parlamenti əhaliyə sosial mediadan istifadəyə görə vergi verməsini tələb edib.
Publika.az xəbər verir ki, hazırlanan qanun layihəsinə görə, sosial media, "Facebook", "Whatsapp", "Viber" və "Twitter" kimi ictimai media platformalarından istifadə edənlər qanunla 200 Şillinq (5 cent) vergi ödəyəcək. Qanun layihəsini isə sosial medianın yalan informasiya mənbəyi olmasını irəli sürən prezident Yoveri Museveni gündəmə gətirib.
Mart ayında gündəmə gələn qanun layihənin sosial mediadan əldə ediləcək rüsumla ölkə daxilində iğtişaş yarada biləcək informasiyaların sosial media üzərindən yayılmasının qarşısı alınacağını düşündüklərini deyən rəsmilər, "təhsil, araşdırma və məlumat almada" faydalı olan internet əlaqəsinin tamamilə ləğv edilməsinin əleyhinə olduqlarını vurğulayıblar:
"İnternetin tamamilə ləğv edilməsi deyil, sadəcə şəbəkə istifadəçilərinin sosial media istifadəsi üçün vergi vermələrinin tərəfdarıyıq".
Qanun iyul ayının 1-dən etibarən qüvvəyə minəcək. "Söz-söhbət"
vergisi kimi adlandırılan qanun layihəsinin Maliyyə Nazirliyi
tərəfindən qeydə alındığı bildirilsə də, onun tətbiqi ilə bağlı
şübhələr qalmaqdadır. Qanuna mobil pul transferi əməliyyatlarına
illik 1 faiz vergi də daxil olmaqla, bir çox əlavə vergi qüvvəyə
minəcək.
Maliyyə Naziri David Bahadi isə parlamentdə çıxışı zamanı bu
vergilərin Uqandanın getdikcə böyüyən milli borcunun ödənilməsi
üçün lazımlı olduğunu bildirib.
Xatırladaq ki, Uqandada 23,6 milyon insan mobil telefondan istifadə
edir. Ancaq bu istifadəçilərin yalnız 17 milyonu internetdən
istifadə edir. Uqandada sosial media həm hökumət, həm də müxalifət
tərəfdarları üçün mühüm bir vasitədir.
2 il əvvəlki prezident seçkiləri zamanı Y.Museven bütün sosial
media platformalarına girişi əngəlləyərək "yalanların yayılmasının"
qarşısını almağa çalışmışdır.
Tanzaniya və Keniyada da analoji vergi təşəbbüsləri olmuşdu. Lakin
əhalinin haqlı etirazları qalib gəlmişdir.
Könül
-
Nida Təhlil 13:10
Türkiyə hərbçiləri Qarabağa niyə gətirilmişdi? - Əliyevin strateji planı
-
Sosial12:58
Sabah 32 dərəcə isti olacaq
-
Nida Xəbər 12:16
XİN Avropa Parlamentinə cavab verdi
-
Nida Xəbər 11:55
İlham Əliyev Almaniyada mühüm tədbirdə çıxış etdi - Yeniləndi
-
Nida Xəbər 10:29
Qriqoryan İrana hesabat verdi: Delimitasiya ilə bağlı
-
Nida Təhlil 09:26
Füzulidən Berlinə uçuş: Əliyevin təyyarəsi niyə Qarabağdan qalxdı?
-
Sosial08:42
Azərbaycanda general vəfat etdi
-
Magazin208:00
Şakira açıq-saçıq geyimi ilə heyrətləndirdi - FOTO