Dünya

Aramsız yağışlar daşqınlara səbəb oldu

4 Avqust 2014 08:39

Avropanın cənub hissəsində pis hava şəraiti hökm sürür. Ötən gün İtaliyada yağan aramsız yağışlar daşqınlara səbəb olub.

Təbii fəlakət nəticəsində azı 4 nəfər ölüb, 20 nəfər xəsarət alıb. Refrontolo şəhərində bəzi bölgələri gözlənilmədən sel basıb.

Şahidlərin sözlərinə görə, insanlar selə qapılmamaq üçün ağaclara tutunublar. Bir neçə nəfər isə, xilas ola bilməyib.

Azı 5 nəfər itkin hesab edilir. Daşqın suları şəhərdə çoxlu sayda dağıntılar törədib. Suyun hündürlüyü bəzi bölgələrdə 1 metrə qədər çatıb.

Elektrik şəbəkələrinə dəyən ziyan şəhəri enerjisiz qoyub. Mer Luka Zaya şəhərdə fövqəladə vəziyyət elan edib.

Təhlükəsizlik qüvvələri dağınıtların aradan qaldırılması üçün fəaliyyətə başlayıblar. /Associated Press/