Dünya

ABŞ-dan İŞİD etirafı – VİDEO

22 Avqust 2014 13:10

ABŞ müdafiə naziri Hegel “İŞİD sadəcə bir terror təşkilatı deyil” deməklə təşkilatın gözlədiklərindən də güclü olduğunu etiraf edib.

Publika.az xəbər verir ki, Pentaqonda keçirilən mətbuat konfransında bir jurnalist “İŞİD ABŞ-a 11 sentyabr səviyyəsində bir təhdid ola bilərmi?” sualına Hegel belə cavab verib: “İŞİD sadəcə bir terror təşkilatı deyil”.

İŞİD-in ideoloji, strateji və taktiki cəhətdən yaxşı təşkil olunmuş qurum olduğunu izah edən Hegel deyib: “Bu təhdid (İŞİD-in təhdidi – red.) indiyədək gördüklərimizin hamısından böyük təhdiddir. Həmçinin hər şeyə hazır olmalıyıq”.

Hegel İŞİD haqqında həmçinin belə analiz verib: “Nəinki İraqda, istənilən yerdə olsa belə, o, bizim maraqlarımız üçün böyük təhlükədir”.

Vüsal Tağı