NATO: “Ukrayna ərazisində Rusiyanın yüzlərlə tankı var”
Bizi izləyin
Kanon

Dünya

NATO: “Ukrayna ərazisində Rusiyanın yüzlərlə tankı var”

“Ukrayna ərazisində Rusiyanın yüzlərlə tank və zirehli maşını, o cümlədən bir neçə min hərbçisi var”.

Publika.az-ın verdiyi xəbərə görə, bu barədə NATO-nun adını açıqlamayan nümayəndəsi “Röyters” xəbər agentliyinə bildirib.

Onun sözlərinə görə, Rusiyanın yüzlərlə hərbi texnika və hərbçisini Ukraynaya yeritməsi Moskvanın Ukrayna siyasətində dəyişikliyin olmadığını göstərir.

Bu, Ukrayna ərazisində Rusiya qoşunlarının olması barədə hərbi ittifaqın ilk bəyanatı deyil. Ötən ay NATO peykdən çəkilən şəkilləri dərc etməklə Rusiya hərbçiləri və hərbi texnikanın Ukrayna ərazisində olduğunu nümayiş etdirmişdi. Şəkillərdə Rusiyanın özüyeriyən artilleriya qurğuları, tanklar və zirehli texnikanın Ukrayna ərazisində, həmçinin Ukrayna ilə sərhəd rayonlarda olduğu görünürdü.

Rusiya tərəfi isə NATO-nun, ümumilikdə Qərbdən səslənən bu iddiaların əsassız olduğunu bəyan edib.

Ömər Dağlı

Oxumağa davam et
Reklam
Reklam

Gündəm

Kanon