Dünya

Yanukoviç barəsində sanksiyalar ləğv oluna bilər

11 Dekabr 2014 22:23

Avropa Birliyinin Ukraynanın keçmiş prezidenti Viktor Yanukoviç və onun yaxın ətrafındakı 21 şəxsə qarşı qəbul olunan sanksiyalar ləğv oluna bilər.

Publika.az-ın verdiyi xəbərə görə, bu barədə Avropa Birliyindəki adının çəkilməsini istəməyən mənbələr “The Wall Street Journal” nəşrinə bildirib.

Onların fikrincə, bu onunla bağlı ola bilər ki, Ukrayna hazırda sanksiyalar altına düşmüş şəxslər barəsində faktiki olaraq iş aparmır. Avropa mənbələri həmçinin hesab edir, Avropa Birliyi Ukrayna hökuməti tərəfindən bu şəxslərin sanksiyalar altına düşməsinin əsaslandırdığı informasiyanı yoxlamağı bacarmayıb.

Bundan əvvəl isə Avropa Məhkəməsi Avropa Birliyinin İran və Suriyanın bir sıra vətəndaşları və şirkətləri barəsində qəbul etdiyi sanksiyaları ləğv edib.

Ömər Dağlı