Dünya

AP-nin prezidenti Əhməd Davudoğluna zəng etdi

17 Aprel 2015 01:17

Avropa Parlamentinin prezidenti Martin Şultsla Türkiyənin baş naziri Əhməd Davudoğlu arasında telefon danışığı olub.

Publika.az-ın məlumatına görə, Şults Əhməd Davudoğluna zəng edərək AP-nin 1915-ci il hadisələri ilə bağlı qəbul etdiyi tövsiyə qərarından təəssüfləndiyini bildirib. O, qərar qəbul edilərkən iclasda olmadığını və Türkiyənin reaksiyasını başa düşdüyünü bildirib.

Əhməd Davudoğlu qərarın Türkiyə tərəfindən rədd edildiyini, eyni zamanda bunun Türkiyə - Avropa Birliyi əlaqələrinə xələl gətirdiyini, o cümlədən İrəvan - Ankara münasibətlərini daha da gərginləşdirdiyini vurğulayıb. O deyib ki, Avropa və ortaqlarının indiki iqtisadi böhran dönəmində Türkiyəyə daha çox ehtiyacı var. Amma belə məsuliyyətsiz qərarların qəbulu münasibətləri korlaya bilər.

Baş nazir deyib ki, Türkiyə 1915-ci il hadisələrinin tarixçilər tərəfindən araşdırılmasını təklif edir və bu istiqamətdə Ermənistanla dialoqa hazır olduğunu dəfələrlə bəyan edib.