Dünya
İŞİD 39 nəfəri öldürdüyünü açıqladı: “Xaç ittifaqına qarşı...”
Tunisin Sus şəhərində “Imperial Marhaba hotel” mehmanxanasına edilən hücuma görə məsuliyyəti İŞİD terror təşkilatı üzərinə götürüb.
Publika.az xarici mediaya istinadən xəbər verir ki, bu barədə sosial şəbəkələrdən birində təşkilata yaxın hesabda bildirilib.
“Tunisin Sus şəhərində xaç ittifaqına qarşı onlarla adamın öldüyü və yaralandığı hücum təşkil edilib”, - özünü “xilafət əsgəri” adlandıran Əbu Yəhya əl-Kayravani yazıb.
Öz şəklini də paylaşan Kayravani hücumda məqsədinə nail olduqlarını deyib.
Cimərlikdə yerləşən mehmanxanaya hücum zamanı 39 nəfər ölüb, daha 39-u yaralanıb. Tunis Daxili İşlər Nazirliyi də hücumu təşkil edən şəxsin Kayravan şəhərindən tunisli bir tələbə olduğunu açıqlayıb. Ölənlərin arasında Tunis, Almaniya, İngiltərə və Belçika vətəndaşları var.
Qeyd edək ki, bu, ilin əvvəlindən Tunisdə həyata keçirilən ikinci genişmiqyaslı terror aktıdır. Martın 18-də Tunis parlamentinin binasına yaxınlaşan hərbi formalı döyüşçülər nizamsız şəkildə atəş açmağa başlayıb. Daha sonra yaxınlıqdakı muzeyə daxil olan döyüşçülər ziyarətçiləri girov götürüblər. Hücumda əksəriyyəti turist olmaqla 23 nəfər həlak olub, 47 nəfər yaralanıb. İŞİD həmin hücuma görə də məsuliyyəti üzərinə götürmüşdü.
Ömər Dağlı
-
Magazin207:25
İlhan Mansız azərbaycanlı xanımından olan övladının üzünü ilk dəfə göstərdi - FOTO
-
Gözəllik02:43
Onun tumu qızıl qədər dəyərli imiş... - Botoks effekti verir
-
Ekopublika.az02:19
Bakının bu ərazisi PLANA DÜŞDÜ - Tezliklə söküləcək
-
İdman01:15
Arda tarixi matçında belə qol vurdu - VİDEO
-
Qoroskop00:45
Günün qoroskopu: hadisələrin axarına müdaxilə etməyin, çünki...
-
Magazin126 Aprel 23:26
Xumar Qədimova daha bir məşhur şeiri mahnıya çevirdi - VİDEO
-
İnanc26 Aprel 23:02
Həcc ziyarəti ilə bağlı zəvvarlara XƏBƏRDARLIQ
-
Region26 Aprel 22:37
Başqa çıxış yolumuz yoxdur - Paşinyan