Qışın əsas trendinə layiq görülən zərif aksessuar - FOTOLAR
Bizi izləyin

Gözəllik

Qışın əsas trendinə layiq görülən zərif aksessuar - FOTOLAR

Bəziləri elə bilir ki, saçlara bağlanan bant və lentlər ancaq uşaqlıq xatirələrimizdə qalacaq.

Bəziləri elə bilir ki, saçlara bağlanan bant və lentlər ancaq uşaqlıq xatirələrimizdə qalmağa layiqdir. Ancaq keçmişdən ilham almağa davam edən dizaynerlər köhnə dəb trendlərinin yalnız xatirlərdə qalmasına imkan vermir. Beləliklə onlar bantları müasir dəbə gətirərək bizə nostalji hisslər yaşadır...

Publika.az-ın dəb bölməsi xəbər verir ki, Karl Lagerfeldin ən sevdiyi aksessuarı - qara saç lentləri dəbə geri qayıdır. Qara saç bant və lentləri 2017-ci ildə heç vaxt olmadığı qədər populyarlaşacaq. Belə görünür ki, qara lentlər bir neçə ildir ki, dəbdə hakimiyyəti əlinə alan çokerləri kölgədə qoyacaq.

Qara bant və lentlər həm abadoku əvəz edir, həm at quyruğuna bağlanmış formada qarşımıza çıxır, həm də sadəcə bant şəklində istifadə olunur. Bu lentlərin başlıca funksiyası saçlara ultra romantik görünüş bəxş etməsidir. Lakin qeyd etmək lazımdır ki, lentlər hörüklü saç uclarına xüsusi ilə yaraşır. Hörüklərin içində istifadə edilən qara lentlərin görüntüsü olduqca estetikdir. Lentlərdən düzəldilən hazır kəpənək aksessuarları da lentlər qədər aktualdır.

Lentin qalınlığı, rəngi və materialı saçın rəngi və qalınlığı kimi amillərdən asılıdır. Açıq saçlı xanımlara tünd rəngli məxmər lentlərdən, saçı tünd xanımlara isə daha açıq çalarlı saç lentlərindən istifadə etməyi tövisiyə edirik.

Sizə ilham verən saç lent dəbinə aid bir neçə nümunə toplamışıq.

Aytən

Oxumağa davam et
Reklam
Reklam

Gündəm