Nida.az
Rusiyanın Qarabağ üçün hansı planı var? – Bazzel sirri
Moskva Azərbaycanı itirməmək üçün Dağlıq Qarabağ münaqişəsinin tezliklə həllinə çalışacaq.
Publika.az xəbər verir ki, bu barədə rusiyalı
politoloqlar Rusiya xarici işlər naziri Sergey Lavrovun Bazeldə
çıxışını şərh edərkən deyiblər.
Qeyd edək ki, Bazeldə Rusiya xarici siyasət idarəsinin rəhbəri
Rusiyanın Dağlıq Qarabağ münaqişəsi tərəflərinə problemin həllində
köməyi davam etdirəcəyini açıqlayıb: “Dağlıq Qarabağ münaqişəsinin
nizamlanması çoxdankı, mürəkkəb prosesdir. Bu prosesdə yanaşmalar
dəyişib və biz artıq bir neçə ildir ki, ATƏT-in Minsk qrupunun
həmsədrləri ilə birgə qeydə alınmış prinsiplərin - ərazi
bütövlüyünə hörmət, güc tətbiq etməmək və xalqların öz
müqəddəratını təyin etmək hüququna hörmət - praktiki yerinə
yetirilməsi üzrə danışıqlara başlamaq mümkün olsun deyə bu
yanaşmaları ortaq məxrəcə gətirmək üçün çalışırıq. Bu, çox çətin
prosesdir, lakin davam etdiriləcək. Əminəm ki, biz və ABŞ,
Fransadan olan tərəfdaşlarımız ümumi məqbul razılığa gəlmək üçün
yenə də Azərbaycan və Ermənistana kömək edəcəyik”.
Lavrov ATƏT Xarici İşlər Nazirləri Şurasının iclası çərçivəsində
həmsədrlərin birgə bəyanatını xatırladaraq bildirib ki, bəyanatda
onlar münaqişənin həlli yolunu tapmaq üçün tərəflərə kömək
göstərmək qətiyyətlərini təsdiq etdilər.
“Rusiyanın bir planı var - onların razılığa gəlməsi üçün tərəfləri
hər cür stimullaşdırmaq. Çünki münaqişələri yalnız onlara cəlb
olunan və iştirak edənlər nizamlaya bilərlər. Bu, Dağlıq Qarabağ
münaqişəsinin nizamlanmasına, Dnestryanı münaqişəyə və Ukrayna
böhranına da aiddir. Tərəflər nə barədəsə razılığa gələndə kənar
tərəflər onları danışıqlar masası arxasında ehtiyatla
saxlamalıdırlar. Bunun yerinə isə 2003-cü ildə Dnestryanı
münaqişənin nizamlanması zamanı olduğu kimi təxribata əl atmağa
çalışmamalıdırlar. Dnestryanı rəhbərləri və Moldova Prezidentinin
parafladığı sənəd - nizamlama sənədi imzalanmadı. Çünki imzalanma
günü ərəfəsində Aİ-nin xarici siyasi strukturlarının rəhbərliyi
Moldova Prezidentindən sənədi imzalamamağı tələb etdi. Həmin
vaxtdan bu məsələyə görə əziyyət çəkirik. Dağlıq Qarabağ
münaqişəsinin nizamlanmasında isə eniş və yüksəlişlər olub, hətta
nizamlanmanın özünün konsepsiyası dəyişib. Lakin bu, həmişə
tərəflərin razılaşdırılması əsasında olub. Minsk qrupunun
həmsədrləri isə hər cür kömək göstərməyə çalışırlar. Dağlıq Qarabağ
münaqişəsi üzrə üç həmsədr beynəlxalq vasitəçilik nümunəsidir, 5+2
formatında isə bir çox “sualtı daşlar”, hansısa vasitəçilər,
müşahidəçilər var ki, onlar öz ideyalarını irəli sürürlər. Dağlıq
Qarabağ münaqişəsi üzrə isə çox yaxşı yoldaşlıq koordinasiyası var
və bu, prosesi danışıqlar məcrasında saxlamağa imkan verir. Ümid
edirəm ki, nəticələrin olacağı vaxt uzaqda deyil”, - deyə Rusiyanın
baş diplomatı bildirib.
Lavrov Ermənistanda girov saxlanılan soydaşlarımızla bağlı da
danışıb. O, İrəvanı girovları azad etməyə çağırıb.
Moskva Dövlət Universitetinin informasiya-analitik mərkəzinin baş
direktoru, siyasi ekspert Andrey Petrov Rusiyanın Qarabağ üçün
hansı planının olmasından bəhs edib. Onu sözlərinə görə, Lavrovun
çıxışında bir neçə mühüm məqam var: “Birincisi, Rusiya üç əsas
prinsip əsasında - ərazi bütövlüyü, öz müqəddəratını təyin etmə və
güc tətbiq etməmə - münaqişənin həllində maraqlıdır. Bunun üçün
Moskva indiyə qədər toplanmış bütün diplomatik təcrübədən istifadə
etməyə hazırdır. Digər tərəfdən, Rusiya təxribatlardan çəkinməyə
çağırır. Hansı ki, Parisdə prezidentlərin görüşündən sonra
Ermənistan helikopteri Azərbaycan səmasından təxribat uçuşları
etdi, nəticə isə acınacaqlı oldu. Moskva bu məsələyə, demək olar,
münasibət bildirməmişdi. Lavrovun bu çağırışı isə həm də münasibət
idi. Yəni təxribatlardan əl çəkin, bu münaqişənin həllinə yardım
etməyəcək. Üçüncüsü, girovlarla bağlı məqam idi. Rusiya girovların
mübadiləsi haqqında tərəflərə 2010-cu ildə götürülmüş öhdəlikləri
xatırladır. Digər tərəfdən, Moskva uzun illərdir həll olunmamış
qalan Dağlıq Qarabağ münaqişəsinin həllində aktivləşəcəyini ortaya
qoydu”.
Lavrovun hansı plandan danışdığına gəlincə, ekspert bunun detallı
şəkildə bəlli olmadığını bildirib: “Bu daha çox sirli məsələlərdir
və adətən, nəticəsi olmayana qədər açıqlanmır. Lakin Rusiyanın
tərəflərə təsir imkanları genişdir. Görünür, Moskva regionda belə
bir münaqişənin mövcudluğundan artıq bezib. Bu həm də geosiyasi
proseslərlə bağlıdır. Çünki bu gün Azərbaycanla Rusiya arasında
münasibətlər xeyli yaxşılaşıb. Moskva Bakının başqa istiqamətlərə
üz tutmaması üçün münaqişənin həllində əlindən gələni edəcək”.
Asif Nərimanlı
-
Kriminal18:30
Tanınmış modeli döyməkdə təqsirləndirilən biznesmendən xəbər var - Külli miqdarda pul mənimsəyib?
-
İdman17:49
Dünya çempionu Messinin yanına gedir? - Müəmmalı paylaşım
-
MDB16:54
Fransız qoşunları Rusiyanın hədəfinə çevriləcək - Zaxarova hədələdi
-
MDB16:18
Rusiya ordusu Ukraynanın daha iki yaşayış məntəqəsini tutdu
-
Rəsmi xronika15:55
Prezidentlərin geniş tərkibdə görüşü oldu - Yeniləndi
-
Nida.az15:25
Prezidentin xanımı Bakıda dolma bükdü - FOTO
-
Kriminal14:53
Bakıda ər gözəllik salonunda arvadını öldürdü: “Düşündüm ki, başqası ilə...” - Şok təfərrüat
-
ABŞ14:23
Dəhşətli terror aktları olacaq: Amerikalı general hazırlıq görməyə çağırdı