Təhlil
Strateji yol xəritələri nə vəd edir? - “Monopoliya və korrupsiya tamamilə aradan qalxacaq”
Prezident İlham Əliyev milli iqtisadiyyat və iqtisadiyyatın əsas
sektorları üzrə strateji yol xəritələrinin təsdiq edilməsi haqqında
fərman imzalayıb. 11 istiqaməti özündə birləşdirən bu proqramda
iqtisadiyyatın güclənməsi, sosial rifahın yaxşılaşdırılması, kənd
təsərrüfatının istehsalı, kiçik və orta sahibkarlığın səviyyəsinin
yüksəldilməsi, ağır sənayenin inkişafı kimi məsələlər öz əksini
tapıb.
Milli Məclisin əmək və sosial siyasət komitəsinin üzvü Musa
Quliyev Publika.az-a müsahibəsində yeni yol xəritələrini və bunun
sosial-iqtisadi inkişafa təsirini şərh edib.
- Yol xəritələrinin hazırlanması əsas hədəfi
nədir?
- Azərbaycan milli iqtisadiyyatının və əsas strateji sahələrinin
yol xəritəsi post-neft dövrü iqtisadiyyatı üçün yeni yanaşmadır. Bu
cür proqramlar iqtisadi inkişaf və dayanaqlılıq üçün mühümdür. Bu
proqramda 11 istiqamət öz əksini tapıb və hər biri xüsusi
əhəmiyyətə malikdir. Bura qeyri-neft sektorunun inkişafından
möhkəmləndirilməsindən başlamış, sosial sahələrin inkişafı, sosial
təminatın yaxşılaşdırılması, sosial müdafiə sisteminin
gücləndirilməsi, xidmətlərin optimallaşdırılması, əhalinin belə
xidmətlərə əlçatanlılığını təmin edilməsi kimi bir sıra vacib
məsələlər daxildir. Məlumdur ki, Azərbaycan elektron hökumətə
keçir. Bir sıra sahələrdə artıq elektron xidmətlərdən istifadə
olunur. Yol xəritəsinin hazırlanmasının əsas məqsədlərindən biri də
elektron hökumət çərçivəsində sosial xidmətlərin göstərilməsidir.
Atılan addımların hamısı milli iqtisadiyyatımızın güclənməsinə,
sosial rifahın yüksəlməsinə yönəlib.
- Yeni yol xəritələrinin ilkin nəticələri nə zaman hiss
olunacaq?
- Burada qısa, orta və uzaq dövr var. Qısa dövr 2016-2020-ci illəri, orta dövr 2020-2025-ci illəri, uzaq dövr isə 2025-ci ildən sonrakı mərhələni nəzərdə tutur. Əsas məsələ qeyri-neft sektorunun inkişafıdır. Buraya nəqliyyat, İKT, kənd təsərrüfatı, ağır sənaye və metallurgiya, turizm kimi istiqamətlər daxildir. İlkin nəticələr 2020-ci ildə özünü göstərəcək. O zaman insanlar keçmişə baxanda sosial rifahın gücləndiyini görə biləcəklər. Həmçinin, büdcə gəlirlərinin artımı nəzərəçarpacaq qədər artacaq. Monopoliya və korrupsiya tamamilə aradan qalxacaq. Azərbaycanın dünya indekslərində yeri yaxşılaşacaq. Həyat səviyyəsi daha da yüksələcək.
- Azərbaycanda sosial və iqtisadi inkişaf üçün indiyə qədər bir sıra proqramlar mövcud olub, həmçinin, hazırda da müxtəlif proqramların icrası davam edir. Bunu nəzərə aldıqda belə bir sual yaranır: yeni strategiyanın hazırlanmasını nə zəruriləşdirdi?
- Hər şeydən öncə dağınıqlıq aradan qalxacaq, bütün sahələrə
vahid baxış olacaq. Əldə olunan nəticələrin təhlili, potensial olan
sahələrin müəyyən edilməsi asanlaşacaq. Qoyulan kapital, göstərilən
xidmət və nəticə aydın olacaq. Fikrimcə, bütün istiqamətlər üzrə
addımların mərkəzləşdirilmiş formaya salınması daha tez nəticə əldə
etməyə şərait yaradacaq.
- Əhali bu strategiyanın nəticələrini öz sosial
həyatlarında nə zaman hiss edə bilər?
- Hər şeydən əvvəl bu, strategiya mənfi tendensiyaları aradan
qaldıracaq. Bununla yanaşı, neft iqtisadiyyatını başqa istiqamətə
yönəldəcək. Bu gün dünyada karbohidrogen resursların qiymətinin
aşağı düşməsi Azərbaycan iqtisadiyyatına da təsirsiz ötüşməyib.
Bütün çətinlikləri hər kəs başa düşür. Lakin neft iqtisadiyyatını
qısa zamanda qeyri-neft iqtisadiyyatına çevirmək çətindir. Bunun
üçün ya Ələddinin sehrli çırağı, ya da Həzrəti Musanın əsası
lazımdır. Bunların heç birinə heç kim inanmır. Hökumət proqramları
real təhlil üzərində qurub. Bu da göstərir ki, ilkin nəticələr 4 il
sonra əldə olunacaq. O zaman sosial həyatımız da, milli
iqtisadiyyatımız da yetərincə güclənəcək.
Asif
-
Kriminal14:40
7 yaşlı uşağı öldürən məşqçiyə hökm oxundu
-
Sosial14:05
Gələn ilin pensiya artımları nə vaxt bəlli olacaq? - Komitə sədri açıqladı
-
Qoroskop13:26
Aprelin bəxtəvər 3 bürcü - Şans ayaqlarına gələcək
-
Dünya12:50
Yəhudilər Netanyahunu devirməlidir, yoxsa... - Sensasion açıqlama
-
İdman12:20
Onun ilk çılpaq fotosessiyanın pulunu Maradona ödəyib - FOTOLAR
-
İqtisadi gündəm12:05
Bayram günlərində bu şəxslərə əlavə pul veriləcək
-
İdman11:03
"Neftçi"də nə baş verir? - Qruplaşmalar, daxili çəkişmələr...
-
Sosial10:31
Hətta xasiyyəti belə dəyişən ay - Daim içki içən şəxs Ramazanda oruc tutarsa...