• USD 1,7369 +0,17% EUR 1,8625 -0,14%
    • GBP 2,1995 -0,47% RUB 0,0272 +0,37%

“AŞK BAŞKA...”

  • Yazarlar
  • 5 Mart 2015 20:10
  • 509 Baxış
“AŞK BAŞKA...”

Türkiyədə Azərbaycanlı deputatın şeirlər kitabı çıxıb

Qənirə Paşayevanın Türkiyə türkcəsində, nəfis tərtibatla işıq üzü görən kitabı “AŞK BAŞKA...” adlanır.

Qənirə Paşayevanın “Astana Yayınları” tərəfindən nəşr edilən kitabında toplanmış seçmə şeirlərini, qardaş ölkənin imzası Azərbaycan oxucusuna da yaxşı tanış olan ədiblərindən İmdat Avşar Türkiyə türkcəsinə uyğunlaşdırıb. Kitabın redaktorluğu (və yayın yönətmənliyi) isə Türkiyənin ustad şairlərindən Camal Safiyə aiddir. Kitabda xanım Paşayevanın müxtəlif vaxtlarda yazdığı və fərqli nəşrlərdə öz əksini tapan şeirləri verilib. Kitabda ana xətti, sözün hər anlamında böyük hərflə başlayan Eşq təşkil edir – Vətən Eşqi, Yaradan və yaradılana Eşq!..

“Önsöz”ü də ustad Camal Safiyə aid olan kitab, öz nəfis poliqrafiyası ilə də diqqəti cəlb edir.

“Qənirə Paşayeva və Türk Ədəbiyyatı” adlanan “Önsöz”də C.Safi yazır: “...O anda sanki ilk dəfə önsöz yazacaqmış kimi oldum. Oysa, ən azı otuz ildir gənc şairlərin çıxardıqları şeir kitablarına, onları təşviq üçün önsözlər yazmışam. Fəqət, əfəndim, şairə Qənirə Paşayevaya gəlincə, iş xeyli düşündürücü və müşkül... Haradan başlasam, əcaba? Hansı məziyyətindən, hansı hünərindən bəhs etsəm? O fəzilət ərbabı bir insanı tərif etməkdən də çox ötələrdə bir sənətkar, siyasət və fikir insanı... Əcdadına, Vətəninə, bayrağına, böyüyünə bu qədər sayğılı, bu qədər duyarlı və sadiq bir insan tanımadım, deyə bilərəm. Bilgi baxımından yaşına görə nadir rastlanacaq bir beyinə sahibdir. Duyğu baxımından məndən ötəydi və bu vəsiflərin yanında çox qonaqpərvər, çox comərd, çox nazik bir xanıməfəndi...

Şeirlərinə gəlincə, vəzinli və qafiyəli yazdığı zaman türkcəmizi, daha xoş, daha ahəngli və anlamlı qılmaqdadır. Dilimiz, heca vəzni şeir üçün dünyanın ən gözəl dillərindən biridir. Duyğuları türkcənin söz xəzinəsini aşırdı. Orxan Gəncəbay məni “yaşayan əfsanə” adlandırmışdı. Mən bu ünvanımın Qənirə Paşayeva xanıməfəndiyə daha çox yaraşacağına inanıram.

Məndən bu kitabında önzsöz yazmamı istədiyi üçün ona şükranlarımı yetirdim. İltifat və şərəf duyduğumu bildirdim. Bu kitabı oxuyanlar mübaliğə etmədiyimi anlayıb, mənə haqq verəcəklər.

İlhamın bol olsun, müstəsna dost! Safi sevgilərimlə gözəl gözlərindən öpürəm. Və bu iki “dörtlüy”ü də sənə ərmağan etməkdən qürur duyuram...”

(“Dördlük”ləri orijinal halı ilə təqdim edirik)

Mona Lisa’nın Pabucu

Nutkuna sığmazsın hiçbir lisanın,

Yazamaz şair-i azamlar seni.

Pabucu damdaydı Mona Lisa’nın,

Keşfedebilseydi ressamlar seni!

Tanrı’nın Adaleti

Sen olmazdın Tanrı’nın adaleti şaşmasa,

Seni tarif mümkündü lisanları aşmasa,

Daha binlerce güzel yaratırdı sıradan

Seni yaratıyorken bu kadar uğraşmasa!

Kitabda İmdat Avşarın müəllif və onun şeirləri ilə bağlı düşüncələri də öz əksini tapıb.

Qeyd edək ki, Qənirə Paşayevanın sözügedən kitabı bu il mart ayının 8-dən Türkiyənin kitab satış mərkəzlərində satışda olacaq. Həmçinin martın əvvəllərində qardaş ölkədə kitabın imza törəni və tanıtımı da həyata keçiriləcəkdir.

Xəbər lenti

DAHA ÇOX XƏBƏR