Ankaradan cavab: “İŞİD heç bir əsgərimizi girov götürməyib”

İraq Şam İslam Dövləti (İŞİD) yaraqlılarının Suriya sərhədləri daxilindəki Türkiyə torpağı olan Süleyman Şah Türbəsinə hücum edib, postda dayanan Türkiyə əsgərini əsir götürdüyü barədə xəbər hərbi mənbələr tərəfindən təkzib edilib.

Publika.az “Radikal”a istinadən xəbər verir ki, bu barədə ABŞ-ın “The Washington Post” qəzeti məlumat yaymışdı. Qəzetin xəbərinə görə İraq Şam İslam Dövləti (İŞİD) yaraqlılarının Suriya sərhədləri daxilindəki Türkiyə torpağı olan Süleyman Şah Türbəsinə hücum edib, postda dayanan Türkiyə əsgərlərini əsir götürüb. Lakin qəzetin xəbərini təkzib edən hərbi mənbələr “iddialar tamamilə həqiqəti əks etdirmir” deyə bəyanat veriblər. Hal-hazırda Süleyman Şah türbəsi ilə əlaqədar bir problem yoxdur” deyə qeyd edilib.

Xatırladaq ki, Süleyman Şah Türbəsi olan bölgə Osmanlı İmperiyasının süqutundan sonra Fransanın müstəmləkəsinə keçməsinə rəğmən, 1921-ci ildə Fransa ilə imzalanan “Ankara” müqaviləsinə görə, Türkiyə Respublikasının torpağı olaraq qəbul edilib və Türkiyə ordusu tərəfindən mühafizə edilir.

Vüsal Tağı