Keyt Middltonun sadə ev stili - FOTO

6 İyun 2022 20:24

Kembric hersoginyası gözlənilmədən mətbəxinin qapılarını pərəstişkarlarının üzünə açıb.

Publika.az xarici mətbuata istinadən xəbər verir ki, Kembric hersoqu və hersoginyası sosial mediada yeni fotolar seriyasında evlərinin nadir mənzərəsini paylaşıblar. Həftə sonu Keyt Middlton Şahzadə Corc, Şahzadə Şarlotta və Şahzadə Lui ilə mətbəxdə keks bişirərkən çəkdiyi kadrları sosial media hesablarında paylaşıblar. Kadrlardan görünür ki, balacalar tort hazırladıqları üçün çox sevinir, Keyt isə övladlarının bu məharətinə baxıb qürur duyur. Paylaşımda bu sözlər qeyd olunub: “Bu gün Platinum Yubileyi şərəfinə yerli icma üçün tortlar bişiririk! Ümid edirik ki, onlardan zövq alacaqsınız!”

Hersoginya kadrda sadə ev stili ilə diqqət çəkib. O, Şotlandiya brendi “Brora”dan seçdiyi geniş yaxalı çəhrayı koftanı “& Other Stories”dən klassik düz mavi cinslə uyğunlaşdırıb. Qeyd etmək lazımdır ki, qeyri-rəsmi geyimlər Şahzadə Uilyamın həyat yoldaşına rəsmi paltarlardan az yaraşmır.