Krallığın çiçəyi heyrətamiz stili ilə diqqət mərkəzində - FOTO

İyunun 16-da Keyt Middleton Erkən Uşaqlıq Fondu layihəsi çərçivəsində Böyük Britaniyanın Səhiyyə katibi Sacid Cavid və Ailə Naziri Uill Kuinslə görüşüb.

Publika.az xarici mətbuata istinadən xəbər verir ki, Kembric hersoginyasının görünüşü bir daha səs-küy yaradıb. “Alexander McQueen” imzalı solğun çəhrayı kostyumu və qızılgül çalarındakı “Emmy London” markalı dikdabanları obrazı zərif və çox təsirli edib.

Makiyaj artistləri zərif çalar çeşidini mükəmməl çəhrayı-şaftalı makiyaj palitrası ilə tamamlayıblar. Almacıq sümüklərinə yüngül parıltılı ənlik çəkilib, dodaqlarda isə çəhrayının təbii ahəngi yenə qorunub. Göz makiyajında sadəliyə üstünlük verilib, lakin qəhvəyi dumanlı gözlər və oxlar Keytin zeytun gözlərini ideal şəkildə vurğulayıb.

Stilistlər krallığın çiçəyi adlandırılan hersoginyanı Britaniyanın “Mappin & Webb” brendinin zinət əşyaları ilə tamamlayıblar: boyunbağı və sırğalardan ibarət brilyant dəsti çəhrayı kostyumla birlikdə çox zərif görünür.