Hersoginyanın yeni obrazı hər kəsə ilham verəcək - FOTO

9 İyun 2022 09:30

Kraliça II Yelizavetanın Platin Yubileyi şərəfinə düzənlənən bayram tədbirləri başa çatıb və bu, kral ailəsi üzvlərinin öz vəzifələrini bərpa etməsi deməkdir.

Publika.az xəbər verir ki, bu gün hersoginya Keyt Middlton Londondakı Kiçik Kənd Uşaq Fonduna baş çəkib, aztəminatlı ailələrə göstərilən qayğı və digər xidmətlərlə tanış olub.

Protokol qaydalarından kənara çıxmayan hersoginya ağ-qara rənglərə üstünlük verərək ofis üçün olduqca rahat və ilhamverici obraz yaradıb. Bu münasibətlə Kembric hersoginyası trikotaj mayka geyinib, onun üzərinə “Zara”dan düyməsiz qüsursuz bir pencək seçib. Onun geyiminin tamamlayıcısı atributu qara şalvar, stiletto və toxunma çanta olub.