ABŞ

ABŞ-ın birinci xanımı koronavirusa yoluxdu

16 Avqust 2022 23:49

Aavqustun 16-da Amerika Birləşmiş Ştatlarının birinci xanımı Cil Baydenin koronavirus testi müsbət çıxıb.

Publika.az xəbər verir ki, bu barədə birinci xanımın mətbuat xidməti məlumat yayıb.

Qeyd olunur ki, bu gün ABŞ prezidentinin həyat yoldaşı koronavirus testindən keçib və mənfi nəticə əldə edib. Amma axşam saatlarında soyuqdəymə əlamətləri hiss edib.

"Anticisimlərin olub-olmadığını müəyyən etmək üçün təkrar ekspress-testin nəticəsi mənfi olub, lakin PCR testinin nəticəsi müsbət olub", - məlumatda deyilir.

Cil Baydenin COVID-19-un yüngül simptomları yaşadığı bildirilir. Əvvəllər o, iki dəfə tam peyvənd olunub.

ABŞ-ın birinci xanımı yaxın beş gün ərzində təcrid vəziyyətində olacaq. Müalicənin bir hissəsi olaraq ona "Paklovid" kursu da təyin edilib.

Hüseyn İbadlı