Senator Zelenskiyə bu sözləri dedi: Rusiyada isterika yarandı

ABŞ senatoru Lindsi Qrem Ukraynaya verdiyi dəstəyə görə Rusiyada yaranan isterikaya münasibət bildirib.

Publika.az xəbər verir ki, bu barədə “Reuters” agentliyi məlumat yayıb.

Qeyd edək ki, Kiyevə səfəri zamanı prezident Zelenski ilə görüşən senator bildirmişdi ki, ABŞ-ın Ukraynaya yardımı indiyə qədər xərclədikləri ən yaxşı vəsaitdir.

Rusiyada isə bu fikirlərə kəskin etiraz edilib, bildirilib ki, senator bununla həmin vəsaitin rusları öldürməyə yönəldilməsinə işarə edib.

Kremlin sözçüsü Peskov belə senatorun olmasını biabırçılıq, Rusiya Təhlükəsizlik Şurasının sədr müavini Dmitri Medvedev 67 yaşlı respublikaçı Qremi “qoca axmaq” adlandırıb.

“Reuters”ə şərhində Qrem tənqidlərə cavab verib və qeyd edib ki, “həmişə olduğu kimi, Rusiya təbliğat maşını ağır işləyir”.

O vurğulayıb ki, Zelenskiyə Ukraynanın Amerikanın “Azad yaşa, ya da öl” mantrasını qəbul etdiyini deyib. "Ukraynanın rus hərbi cinayətkarlarından azad edilməsinə kömək etmək ABŞ-ın yaxşı sərmayəsi idi", - senator bildirib.