ABŞ

Bakı və İrəvan arasındakı razılaşmaya ABŞ-dan reaksiya gəldi

8 Dekabr 2023 10:50

Birləşmiş Ştatlar Bakı və İrəvanın məhbusların azad edilməsi ilə bağlı açıqlamasını qarşılıqlı etimadın yaradılması istiqamətində mühüm addım kimi alqışlayır.

Publika.az xəbər verir ki, bunu Dövlət Departamentinin mətbuat xidmətinin rəhbəri Metyu Miller deyib.

“Tərəflər münasibətləri həll etmək və sülh sazişini yekunlaşdırmaq üzərində işləyirlər və Birləşmiş Ştatlar bu prosesi dəstəkləməyə davam edir”, - Miller bildirib.

Bundan əvvəl Bakı və İrəvan Azərbaycan prezidentivə Ermənistanın baş nazirinin dəftərxanalarının birgə bəyanatında bildirilir ki, Bakı 32 erməni əsiri, İrəvan isə iki Azərbaycan əsgərini azad edəcək. Bəyanatda deyilir ki, Bakı və İrəvan yaxın gələcəkdə əlavə etimad tədbirlərinin həyata keçirilməsi ilə bağlı danışıqları davam etdirəcək və beynəlxalq ictimaiyyəti iki ölkə arasında qarşılıqlı etimadın yaranmasına kömək edəcək və bütün Cənubi Qafqaz regionunda münasibətlərə müsbət təsir edəcək səyləri dəstəkləməyə çağıracaq.

Tural