ABŞ-da tənəzzül: Sentyabr ayına qədər hər şey...

Sürətlə artan işsizlik fonunda ABŞ-da tənəzzül ehtimalı iqtisadçıların fikrincə 25 faizə çatır.

Publika.az xəbər verir ki, bu barədə "RİA Novosti"nin müşahidəçisi yazır.

O qeyd edir ki, Amerika iqtisadiyyatının çökməsi bir ölkənin daxilində qalmayacaq, Rusiya da daxil olmaqla bütün dünyaya təsir etmək riski var. Onun sözlərinə görə, sual ABŞ Federal Ehtiyat Sisteminin bununla məşğul olub-olmamasıdır. Belə ki, agentliyin müşahidəçisi bildirir ki, analitiklərin Amerika iqtisadiyyatı ilə bağlı narahatlığının digər səbəbi həm dünyada, həm də ştat daxilindəki siyasi vəziyyətdir.

Ekspertlər qeyd edirlər ki, Donald Trampın ABŞ prezidentliyinə potensial qayıdışı Vaşinqtonla Pekin arasında gərginliyi artıra, nəticədə inflyasiyanı sürətləndirə bilər.

Məlumatda qeyd edilir ki, ABŞ iki ilə yaxındır ki, tənəzzül astanasındadır, lakin hələ də dövlət borcunu artırmaqda davam edir.

Avqustun 2-də fond indeksləri iri Amerika şirkətlərinin maliyyə hesabatlarının dərcindən sonra 1-2 faiz ucuzlaşıb. Onların ardınca avqustun 5-də Yaponiyanın Nikkei də daxil olmaqla, Asiya-Sakit Okean regionunun (APR) əsas fond indeksləri çökdü.

Bundan əvvəl ABŞ Maliyyə Nazirliyi ölkənin dövlət borcunun tarixdə ilk dəfə olaraq 35 trilyon dollara çatdığını bildirmişdi. Beynəlxalq Valyuta Fondu (BVF) ABŞ hakimiyyətini borcların azaldılması prosesinə dərhal başlamağa çağırıb, çünki fondun qeyd etdiyi kimi, Birləşmiş Ştatlar artıq dünyada öz investisiya mövqeyini sarsıdıb.

Adəm Abbaslı