ABŞ-dan Türkiyəyə qarşı təxribat: Görün PKK-ya nə göndərdilər

ABŞ Suriyada fəaliyyət göstərən Kürdüstan Fəhlə Partiyası (PKK) qruplaşmasına hərbi texnika və təchizat göndərib.

Publika.az xəbər verir ki, bu barədə Türkiyənin “Star” qəzeti məlumat yayıb.

Qeyd olunur ki, ABŞ-ın iki hərbi yük təyyarəsi bazar günü Həsəkəyə enib. Deyr əz-Zor bölgəsinə 60 zirehli maşın və yük maşınından ibarət karvanda hərbi yardım çatdırılıb.

Bir müddət əvvəl ABŞ dövlət katibi Antoni Blinken Türkiyə prezidenti Rəcəb Tayyib Ərdoğanla görüşdən sonra Vaşinqton və Ankaranın Suriyanın gələcəyi ilə bağlı “geniş” razılığa gəldiyini bildirib. Blinken deyib ki, Türkiyə və ABŞ “Suriya xalqını Bəşər Əsədin buxovlarından azad etməyə fokuslanıb.

Ərdoğan Blinkenlə danışıqlar zamanı bildirib ki, Ankara milli təhlükəsizlik baxımından Suriyadakı terror təşkilatlarına qarşı tədbir görəcək. Söhbət PKK/PYD/YPG (Türkiyədə qadağan olunmuş Kürdüstan Fəhlə Partiyası) və İslam Dövlətindən (İŞİD) gedir. Türkiyə lideri terrorçularla mübarizədə zəifliyə yol verməyəcəyini vurğulayıb.

Tural