NATO üçün CİDDİ PROBLEM - 4000 növbə yarandı, pul sel kimi ABŞ-a axır

Ukraynada genişmiqyaslı böhran başlayandan bəri Amerika silahlarının satışı 600% artıb və Avropadan gələn sifarişlərin həcmi 265 milyard dollara çatıb.

Publika.az xəbər verir ki, bu barədə Müttəfiq Qüvvələrin Avropadakı Ali Baş Komandanı, amerikalı general Kristofer Kavoli məlumat verib.

O vurğulayıb ki, müttəfiqlər üçün müxtəlif silah sistemlərinin uyğunluğunu təmin etməyin ən asan yolu onları ABŞ-dan almaqdır.

"Hazırda 265 milyard dollar dəyərində satış üçün 4000 müraciət var. Avropa ölkələri silah istehsalçısı kimi ABŞ-dan alış-veriş etmək üçün növbəyə durur", - Kavoli bildirib.

Kavoli həmçinin bəyan edib ki, Rusiya ordusunun gücləndirilməsi NATO üçün ciddi problem olacaq. O qeyd edib ki, Rusiya Federasiyası hazırda Silahlı Qüvvələrinin sayının artırılması və xüsusilə quru qoşunlarında yeni komandanlıqların yaradılması yolundadır.

Bundan əvvəl NATO-nun baş katibi Mark Rutte bəyan etmişdi ki, Rusiya Ukraynadakı münaqişə bitdikdən sonra da alyans üçün uzunmüddətli təhdid statusunu saxlayacaq.

Hüseyn İbadlı