ABŞ viza şərtlərini dəyişdi

ABŞ hakimiyyəti F, M ve J növ viza alacaq şəxslərin sosial media hesablarının ‘hər kəsə açıq’ hala gətirilməsi şərtini qoyub.

Publika.az xəbər verir ki, məlumat ABŞ-ın Türkiyədəki səfirliyinin sosial media hesabında paylaşılıb.

Bunun viza yoxlaması prosesində yeni təhlükəsizlik prosedurlarından biri olduğu bildirilir.

Dövlət Departamentinin açıqlamasında belə qeyd olunub: ABŞ vizası hüquq deyil, imtiyazdır.

* Yeni təlimatlara əsasən, F, M və J qeyri-miqrant vizaları üçün müraciət edən bütün tələbə və mübadilə proqramına müraciət edənlər, onların onlayn fəaliyyəti də daxil olmaqla ətraflı yoxlamadan keçəcək.

* Yoxlamanı asanlaşdırmaq üçün F, M və J vizaları üçün bütün müraciət edənlərə məlumat veriləcək ki, onlar sosial media profillərində məxfilik parametrlərini “hamıya açıq” olaraq təyin etməlidirlər.

* Xaricdəki nümayəndəliklər tezliklə F, M və J vizaları üçün müraciətlərin qəbulunu bərpa edəcəklər.

* Hər viza qərarı həm də milli təhlükəsizlik qərarıdır. Viza verilmə müddətində müraciət edən şəxslər amerikalılara və ya Amerikanın milli maraqlarına xələl gətirmək niyyətində olmadıqlarına əmin etmək və müraciət etdikləri viza növü ilə ölkəyə daxil olmaq məqsədlərini inandırıcı şəkildə sübut etməlidirlər.

(Teleqraf)