Generallar ard-arda istefaya gedirlər: Pentaqonda nə baş verir?

ABŞ-da generallar arasında kütləvi istefa dalğası başlayıb.

Publika.az xəbər verir ki, ABŞ Hərbi Hava Qüvvələrinin yüksək səviyyəli komandiri, general Tomas Busyer gözlənilmədən təqaüdə çıxdığını elan edərək, "şəxsi və ailə səbəblərini" əsas gətirib.

2022-ci ilin dekabrından Hərbi Hava Qüvvələrinin Qlobal Hücum Komandanlığına rəhbərlik edən Busyer verdiyi açıqlamada, "Çox düşünmədən və aydın bir ürəklə Barb və mən ABŞ Hərbi Hava Qüvvələrindən istefa vermək üçün çətin qərar verdik" deyib.

Qeyd edək ki, onun istefası müdafiə naziri Pit Herqsetin Kuantikoda yüksək rütbəli hərbi məmurlarla görüşündən bir neçə saat sonra verilib.

Nazir bildirmişdi ki, onun sözlərindən "ürəkləri döyünən"lər "şərəfli işi görməli və istefaya getməlidirlər”.

Bu, Tramp administrasiyasının ikinci müddətinin başlamasından bəri ordu rəhbərliyində ilk dəyişiklik deyil. Hərbi Hava Qüvvələrinin Baş Qərargah rəisi general Devid Ollvin əvvəllər dörd illik səlahiyyət müddətinin cəmi iki ilini keçdikdən sonra erkən təqaüdə çıxacağını açıqlamışdı. Onun yerinə artıq "döyüşdə sınaqdan keçmiş lider" kimi təsvir edilən təcrübəli döyüş pilotu, general Kennet Vilsbax namizəd göstərilib.

Son aylarda Pentaqon müdafiə nazirinin baş məsləhətçiləri və bir neçə Baş Qərargah rəisi də daxil olmaqla bir sıra yüksək rütbəliləri vəzifədən azad edilib. Qeyd edək ki, iki Baş Qərargah rəisi departament daxilində sızmaların araşdırılması fonunda istefaya göndərilib.

Tural