ABŞ Çin ordusundakı dəyişiklikləri təşviş içində izləyir

Si Cinpinin hərbi islahatları Çinin nüvə imkanları ilə bağlı narahatlıqları əks etdirir. Çinin silahlı qüvvələrindəki kadr dəyişikliyi Pekin və Vaşinqtonun müxtəlif yollarla öz ordularında əhəmiyyətli dəyişikliklər həyata keçirməsi ilə baş verir.

Publika.az xəbər verir ki, belə bir şərh "The New York Times"da qeyd olunub.

Nəşr yazır ki, qeyri-müəyyənlik qlobal nüvə siyasətində qeyri-sabitliyin yeni dövrünün qorxusunu artırır, çünki prezident Tramp ABŞ sınaqlarını bərpa etməyə çağırır və Vaşinqton da ordusunda böyük dəyişikliklər edir.

Qeyd edilir ki, Si Cinpinin Xalq Azadlıq Ordusu ilə bağlı islahatları daha ciddi nəticələrə səbəb olub. O, Çinin nüvə qüvvələrinə cavabdeh olan Raket Qüvvələrini sarsıdan və 2049-cu ilə qədər "dünya səviyyəli ordu" yaratmaq ambisiyasının mühüm hissəsini silkələyən dəyişiklik həyata keçirib.

Vurğulanır ki, prezident Donald Tramp və müdafiə naziri Heqsetin ABŞ ordusunu yenidən təşkil etmək motivləri bəlli olmasa da, Si Cinpinin islahatları onun tarixdən öyrəndiyi dərsdən irəli gəlir.

Adəm