ABŞ

Ceff Bezosun şirkəti Marsa raket buraxdı

14 Noyabr 2025 01:41

"Amazon"un qurucusu Ceff Bezosa məxsus olan "Blue Origin" aerokosmik şirkəti, "New Glenn" raketini Marsa göndərib.

Publika.az xəbər verir ki, raketin buraxılma anı şirkətin X sosial media səhifəsində canlı yayımlanıb.

Əvvəlcə raketin startı yerli vaxtla saat 14:57-yə (Bakı vaxtı ilə 23:57) təyin olunmuşdu, lakin son saniyələrdə Floridadakı Kanaveral burnundan buraxılış dayandırılıb. Buraxılış yalnız bir saat sonra - saat 15:55-də (Bakı vaxtı ilə 00:55) həyata keçirildib.

Noyabrın 12-də "Blue Origin" raketin buraxılışını Günəşin yüksək aktivliyi səbəbindən təxirə salmışdı. Bu qərar, missiya çərçivəsində orbitə çıxarılmalı olan "Escapade" kosmik aparatlarına günəş radiasiyasının potensial təsirinə görə qəbul olunmuşdu.

Noyabrın 10-da isə "Blue Origin" Kanaveral burnundakı kosmodromdan "New Glenn" raketinin startını əlverişsiz hava şəraiti, xüsusilə buludluluq səbəbindən ləğv etmişdi.

Hüseyn İbadlı