ABŞ

Saxta peyğəmbər "şeytan" adlandırdığı qadını YANDIRDI

14 Noyabr 2025 07:30

Amerikanın Tennessi ştatında dəhşətli bir cinayət baş verib.

Publika.az "People"yə istinadla xəbər verir ki, 39 yaşlı Kristofer Medula 58 yaşlı Anjela Palasionun üzərinə benzin tökərək yandırıb.

Cinayətkar öz günahını tam etiraf edib.

Qurbanın bədəninin demək olar ki, 100%-i yanıb və helikopterlə xəstəxanaya çatdırılıb, lakin onu xilas etmək mümkün olmayıb. O, ölməzdən əvvəl polisə “Bunu Kris etdi” deməyi bacarıb.

Mərhumun qonşusu Stiv Ellis hadisənin şahidi olub: O, Palasionun Medula qapını bağladıqdan sonra yanan furgondan çıxmağa çalışdığını görüb. Şahid cinayətkarı izləyərək onu silahsızlaşdırıb və polis gələnədək nəzarətdə saxlayıb.

Hüquq-mühafizə orqanlarını gözləyərkən Medula “Mən bunu etməli idim”, “O, dünyanı zəhərlədi”, “O şeytandır” və “Mən İsayam” sözlərini təkrarlayıb.

Faciəyə görə məsuliyyət daşıyan şəxs əvvəllər də zorakılıq, məişət zorakılığı və təhlükəli vəziyyətlər yaratmaqda ittiham olunub.

Hüseyn İbadlı