Tramp Sülh Mükafatının həqiqi sahibi ola bilər? - Nobel Komitəsindən AÇIQLAMA/FOTO

Norveç Nobel Komitəsi Venesuela müxalifətnin lideri Mariya Korino Maçadonun Sülh Mükafatı medalını ABŞ Prezidenti Donald Trampa təhvil verməsinə reaksiya verib.

Publika.az xəbər verir ki, bu barədə komitə müvafiq açıqlama yayıb.

Təşkilat bildirib ki, Ağ Ev rəhbəri mükafatı heç bir dəyişiklik etmədən saxlaya bilər.

Xatırladaq ki, Komitə qalib elan edildikdən sonra mükafatın geri qaytarılmayacağını, başqasına ötürülə bilməyəcəyini və başqasına verilə bilməyəcəyini təsdiqləyib. Qeyd edilib ki, qalibin statusu daimi və dəyişməzdir.

"Medal əldən-ələ keçə bilər, lakin Nobel Sülh Mükafatı laureatı adı dəyişməz olaraq qalır", - komitə "X"də paylaşım edərək bildirib.

Yanvarın 16-da ABŞ prezidenti Donald Tramp Ağ Evdə Venesuela müxalifətinin lideri Mariya Korina Maçado ilə görüşüb. Görüş zamanı Maçado ona Nobel Sülh Mükafatının medalını təqdim edərək bildirib ki, “200 ildən sonra Bolivarın övladları prezident Corc Vaşinqtonun varisinə Venesuelanın azadlığına göstərdiyi misilsiz sədaqətin tanınması əlaməti olaraq bu medalı qaytarırlar”.

Hüseyn İbadlı