Ağ Evdəki gizli bunker bərpa edilir: Görün Tramp üçün nə tikiləcək

Ağ Evin Şərq Qanadının altındakı gizli bunker yeni ehtiyaclar üçün uyğunlaşdırılır.

Publika.az xəbər verir ki, bu barədə CNN məlumat yayıb.

Xatırladaq ki, obyekt 1941-ci ildə, Perl-Harbora hücumdan sonra ABŞ prezidenti Franklin Ruzveltin dövründə inşa edilib. Bunker Şərq Qanadına yeni bir əlavə kimi hazırlanıb. Prezident Təcili Əməliyyatlar Mərkəzinə (PEOC) çarpayılar, qida və su təchizatı, enerji təchizatı, hava filtrasiyası və rabitə ilə təchiz olunmuş komanda məntəqəsi daxil idi. O, nüvə zərbəsinə tab gətirə bilirdi. Bunkerin tikintisi gizli saxlanılırdı.

Qeyd edək ki, Şərq Qanadı ABŞ prezidenti Donald Tramp üçün möhtəşəm zalın hazırlanması üçün yenidən qurulur. 1940-cı illərin yeraltı tikililəri, köhnəlmiş infrastruktur 2025-ci ilin oktyabr ayında ekskavatorlar tərəfindən sökülüb. Yeni planlar təsnif edilir.

Bildirilir ki, yeni kompleks müasir təhdidlərə (nüvə, kimyəvi və elektromaqnit) qarşı mübarizə aparmaq üçün uyğunlaşdırılacaq.

Bunker vergi ödəyicilərinin vəsaiti hesabına tikiləcək.

Adəm