Tramp ABŞ hakimiyyət orqanlarına görün nəyi qadağan etdi

ABŞ Prezidenti Donald Tramp Pentaqon da daxil olmaqla, bütün ABŞ federal hakimiyyət orqanlarına süni intellekt (Sİ) sistemləri hazırlayan "Anthropic" şirkətinin texnologiyalarından istifadəni dayandırmağı əmr edib.

Publika.az xəbər verir ki, Tramp bunu sosial media platforması "Truth Social"da yazıb.

Bildirilib ki, bu şirkət "Pentaqona Konstitusiyaya deyil, xidmət şərtlərinə riayət etməyə təzyiq göstərməyə çalışaraq böyük bir səhv etdi".

Tramp əlavə edib ki, "Müxtəlif səviyyələrdə "Anthropic" məhsullarından istifadə edən qurumlar üçün altı aylıq keçid dövrü təmin ediləcək".

Xatırladaq ki, fevral ayında Pentaqon amerikalı milyarder İlon Maskın sünu intellekti "Grok"dan istifadə etmək üçün müqavilə imzalayıb. ABŞ Müharibə Nazirliyi "Anthropic"dən isə orduya məhdudiyyətsiz giriş imkanı verməsini tələb edib və əks halda şirkətin təchizat zəncirlərini pozmaqla hədələyib.

"Anthropic" isə süni intellektdən müharibə və ya nəzarət üçün istifadəyə qarşı çıxır.

Ləman