Tramp əmindir: Bu ölkədə də hakimiyyəti dəyişəcək

ABŞ prezidenti Donald Tramp Kubada mümkün hakimiyyət dəyişikliyinə müsbət yanaşır, çünki o, Nikolas Maduronun oğurlanması ilə bağlı Venesuela təcrübəsinə və İsrailin İrana qarşı başlatdığı hərbi əməliyyata güvənir.

Publika.az xəbər verir ki, bu barədə "Atlantic" qəzeti onun administrasiyasının rəsmisinə istinadən məlumat yayıb.

Nəşrin məlumatına görə, Tramp növbəti hədəfinə - Kubaya göz dikib. "Prezident özünü 'Hər şey öz qaydasında gedir, hər şey işləyir' kimi hiss edir", - deyə hökumət rəsmisi jurnalistlərə bildirib.

Ağ Ev artıq 11 milyon əhalisi olan ada dövlətinin "dostcasına ələ keçirilməsinin" mümkün olduğunu açıq şəkildə bildirib. Tramp vurğulayıb ki, onun dövlət katibi Marko Rubio (Kuba əsilli) Vaşinqton və Havana arasında mümkün razılaşma ilə bağlı Kuba liderləri ilə yüksək səviyyəli danışıqlar aparır.

ABŞ lideri dəfələrlə adanın ağır iqtisadi vəziyyəti barədə danışaraq bildirib ki, "neft, pul, heç nə yoxdur". "Millət hazırda real çətinlik içindədir və onların bizim köməyimizə ehtiyacı var", - deyə Tramp bildirib. Fevralın sonlarında ABŞ-ın Kubaya qarşı neft blokadasını yumşaldacağı elan edildi.

Tural