ABŞ

ABŞ-da qətliam: Üzərində İran bayrağı olan köynək geyinmiş şəxs 3 nəfəri öldürdü - FOTO

2 Mart 2026 10:24

Ostində bir kişi atəş açaraq üç nəfəri öldürüb, 14 nəfəri yaralayıb. Polis silahlı şəxsi güllələyərək öldürüb.

Publika.az xəbər verir ki, bu barədə DW məlumat yayıb.

Ostin polis rəisi Liza Devis bildirib ki, kişi şəhər mərkəzindəki barın yanından bir neçə dəfə keçib. Daha sonra o, dayanıb və barın pəncərəsindən verandadakı və müəssisənin qarşısındakı insanlara atəş açmağa başlayıb.

Devisin sözlərinə görə, atəş açan şəxs daha sonra maşınını park edib və yoldan keçənlərə atəş açmağa başlayıb. Hadisə yerinə gələn hüquq-mühafizə orqanlarının əməkdaşları atəş açaraq hücumçunu öldürüblər. FTB hadisəni terror aktı kimi təsnif etməyi istisna etmir.

Bir neçə hüquq-mühafizə orqanı mənbəyi “Fox News”a bildirib ki, şübhəli 53 yaşlı ABŞ vətəndaşı olub. Onlar bildiriblər ki, atəş açan şəxs üzərində "Allah" sözü yazılmış sviter və üzərində İran bayrağının təsviri olan köynək geyinib.