"Bir gəncin iztirabları" tamaşasının premyeası keçiriləcək

24 Dekabr tarixində M Teatr shənəsində "Bir gəncin iztirabları" adlı xoreoqrafik mono tamaşanın premyerası keçiriləcək.

Publika.az xəbər verir ki, tamaşa rəqs və plastika dili ilə öz nakam sevgisini ifadə etməyə çalışan qəhrəmandan bəhs edir. Xalq artisti Vidadi Həsənovun quruluş verdiyi səhnə əsərini tanınmış xoreoqraf Fərid Kavakov canlandıracaq.

Məlumat üçün bildirək ki, Fərid Kazakov Bakı Xoreoqrafiya Akademiyasının məzunu, Moskva Beynəlxalq Xoreoqrafiya Müsabiqə-Festivalının ikiqat qalibi, Beynəlxalq Rəqs Olimpiadasının qalibi, Qəmər Almaszadə adına Balet Artistlərinin Müsabiqəsinin laureatı, Vaxtanq Çabukiani adına III Tbilisi Beynəlxalq Xoreoqrafiya Festivalının laureatı, “Yaradıcılıq Olimpində” – XX Beynəlxalq Yaradıcılıq Müsabiqə-Festivalının (Soçi, Rusiya) qalibi, "Rusiyada italyan gecələri" Beynəlxalq Müsabiqə-Festivalının əsas mükafatçısı, çoxqat Azərbaycan, Rusiya və Gürcüstan çempionudur. Hal-hazırda, Fərid, Moskvada “SanSara” Beynəlxalq Gimnastika, Akrobatika və Rəqs Akademiyasının, eləcə də, Bakıda “Zabradance” Gimnastika və Rəqs Məktəbinin baş məşqçisidir. Fərid Kazakov Azərbaycanı Soçi şəhərində keçirilən Ümumdünya Gənclər və Tələbələr Festivalında təmsil edib.