2 dünya müharibəsi və 2 pandemiyadan sağ çıxdı, koronaya da qalib gəldi - 103 yaşlı qadının hekayəsi

Belçikanın Ostend şəhərində yaşayan 103 yaşlı Oktavia de Trak adlı qadın 3 həftə əvvəl yoluxduğu koronavirusa qalib gələrək sağlamlığına qovuşub.

Publika.az xəbər verir ki, I Dünya müharibəsi zamanı dünyaya gələn qadın II Dünya müharibəsindən də sağ çıxmağı bacarıb.

O, yaşadığı yüzillikdə İspaniya və Meksika kimi epidemiyaları da görüb.

Bir müddət əvvəl evində yıxılan və ortopedik əməliyyat keçirən Trak daha sonra fizioterapiya almaq üçün xəstəxanaya müraciət edib. Məhz bu zaman onun koronavirusa yoluxduğu məlum olub.

Tibbi heyətə motivasiya verib

Kraliça Elizabet Xəstəxanasında xüsusi bölümdə müalicə alan yaşlı qadının sağalması tibbi heyətə böyük motivasiya qaynağı olub. Xəstəxananın müdiri Gerd Kallevaert mediaya açıqlamasında Oktavia de Trakın həyati mübarizə sərgilədiyini deyib. Həkimin sözlərinə görə, yaşlı qadın ona qulluq edən tibb işçilərini kosmonavta və pinqvinlərə bənzədib.

BBC-nin xəbərinə görə, uzun illər qulluq sektorunda işləyən belçikalı qadın həyatı boyunca 100-dən çox insana qan verib.

Zümrüd