Ukraynada CİDDİ HAZIRLIQ: bu şəhər azad ediləcək - FOTO

Amerika Müharibənin Tədqiqi İnstitutu (ISW) iddia edir ki, Ukrayna ordusu Xerson üzərində əks-hücum üçün şərait yaratmağa davam edir .

Publika.az xəbər verir ki, bu barədə ISW-nin son hesabatında deyilir .

Qeyd olunur ki, ruslar iyulun 6-da Xerson vilayətinin şimal-qərbində uğursuz hücum əməliyyatları keçirib və Ukraynanın hücumlarını dəf etmək üçün bütün cənub oxu boyunca artilleriyadan atəş açmağa davam edirlər.

"FIRMS uzaqdan zondlama məlumatları Xerson-Nikolayev və Xerson-Dnepropetrovsk vilayətinin sərhədi boyunca çoxlu sayda yanğınları qeydə alıb. Geolokasiya edilmiş görüntülərdə Ukrayna və Rusiya qüvvələrinin Xerson və Nikolayev vilayətlərinin sərhəddindəki Snigirevka və Andreevka yaxınlığında artilleriyadan necə atəş açdığı görünür. Ukraynanın Cənub Əməliyyat Komandanlığı əlavə edib ki, rus qoşunları Neçayannoyedə (Nikolaivdən təxminən 33 km qərbdə) yaşayış infrastrukturuna raket zərbələri endirib, lakin Rusiyanın "Telegram" kanalları Rusiya raketlərinin Ukrayna mövqelərini vurduğunu iddia edib", - məlumatda deyilir.

Analitiklər peyk çəkilişlərinə əsaslanaraq iddia edirlər ki, Ukrayna Silahlı Qüvvələri Xerson aeroportu yaxınlığında (Çernobaevka yaxınlığında) düşmən mövqelərinə hücum edib. Xerson dəmir yolu stansiyası yaxınlığındakı Rusiya silah-sursat anbarına edilən zərbə də xatırladılır.

Hüseyn İbadlı