Avropa

Rusiyanın təcavüzü nəticəsində azı 440 uşaq həlak olub

27 Noyabr 2022 03:43

Noyabrın 26-na olan məlumata görə, 1289-dan çox ukraynalı uşaq Rusiyanın təcavüzünə məruz qalıb, onlardan 440-ı ölüb.

Bu barədə Publika.az Ukrayna Baş Prokurorluğuna istinadla xəbər verir.

"Bu rəqəmlər yekun deyil, çünki aktiv döyüş əməliyyatları aparılan yerlərdə, müvəqqəti işğal olunmuş və azad edilmiş ərazilərdə işlər davam etdirilir", - məlumatda deyilir.

Uşaqlar ən çox Donetsk vilayətində - 424, Xarkovda - 266, Kiyevdə - 117, Nikolayda - 77, Zaporojyada - 76, Xersonda - 69, Çerniqovda - 68, Luqanskda - 64, Dnepropetrovskda - 32 nəfər zərər çəkib.

Rusiya Federasiyası silahlı qüvvələrinin bombardmanları və mərmiləri nəticəsində 2719 təhsil müəssisəsi zərər görüb. Onlardan 332-si tamamilə məhv edilib.

Hüseyn İbadlı