Bu dəyişdirilməlidir! - Aİ-yə tarixi ÇAĞIRIŞ EDİLDİ

Almaniya kansleri Olaf Şolz Avropa İttifaqını Avropa ölkələrinin siyasi birləşməsi ilə bağlı bir sıra qərarlar qəbul edərkən yekdillik prinsipini ləğv etməyə çağırır.

Publika.az xəbər verir ki, bu barədə "Bloomberg" yazır.

Alman siyasətçi bu təkliflə bu gün Avropa Parlamentində çıxış edəcək. Məlumata görə, Şolz 21-ci əsrin müasir dünyasına dair yeni, qlobal baxışı haqqında danışmaq niyyətindədir.

Agentliyin anonimlik şərti ilə mənbələri bildiriblər ki, o, Aİ parlamentinin nümayəndələrini Avropada struktur islahatları aparmağa çağırmaq istəyir.

Regionun ən inkişaf etmiş iqtisadiyyatı olan Almaniyanın kansleri digər məsələlərlə yanaşı, AP-ni siyasi assosiasiyada qərarların qəbuluna yanaşmanı dəyişməyə çağırmaq istəyir. İndi bunun üçün bütün ölkələrin yekdil qərarı lazımdır, bu dəyişdirilməlidir.

Onun fikrincə, qərarları ölkələrin əksəriyyəti qəbul etməlidir ki, bir və ya iki oyunçu çoxluğun mövqeyinə mane olmasın. O hesab edir ki, bu, Avropa İttifaqında xarici siyasət və fiskal məsələlər üzrə səsverməni daha sürətli və səmərəli edəcək.

Şolzun ​​başqa bir təklifi enerji bazarına aiddir. Onun fikrincə, Avropa Aİ daxilində enerji resurslarının bir ölkədən digərinə ötürülməsi üçün ümumi şəbəkə və infrastruktur yaratmalıdır.

Ayşən