"Üçlük" Parisdə görüşəcək: Rusiyaya veriləcək "hədiyyə"ni müəyyənləşdirəcəklər

Almaniya kansleri Olaf Şolts və Polşa prezidenti Ancey Duda bazar ertəsi Fransa prezidenti Emmanuel Makronla danışıqlar aparmaq üçün Parisə gedəcəklər.

Publika.az xəbər verir ki, bu barədə "Politico" nəşri yazır.

Görüşün Ukraynanın NATO-ya üzv olmaq istəyi və iyul ayında NATO sammiti ərəfəsində müttəfiqlərin təhlükəsizlik zəmanətləri ilə bağlı olacağı gözlənilir.

Bundan əvvəl Makron Ukraynaya "güclü, spesifik və maddi" təhlükəsizlik zəmanətləri verməyə çağırıb. Ukraynaya "NATO üzvlüyünə yol" təklif edilməli olduğunu deyib. Şolts isə bildirib ki, əsas diqqət üzvlüyə verilməli deyil: "Diqqəti Ukraynanı necə dəstəkləyə biləcəyimizə yönəltməliyik".

Ukraynanın Rusiya ilə müharibə edərkən Alyansa qoşula bilməyəcəyi barədə geniş bir anlayış olsa da, NATO üzvləri Kiyevin istəyinə necə cavab verməli olduqları ilə bağlı fikir ayrılığı yaşayırlar.

Fransız diplomatın fikrincə, NATO üzvləri Ukraynanın əks-hücuma başladığı bir vaxtda Rusiyaya güclü siqnal göndərməlidirlər.

"Hər kəsi qane edəcək bir həll tapmalıyıq. Bu, açıq şəkildə Rusiyaya verə biləcəyimiz ən böyük "hədiyyə" olardı",- Makron vurğulayıb.

Liderlərin Avropanın suverenliyi və müdafiə kimi digər mövzuları da müzakirə edəcəkləri gözlənilir.

Ayşən