Avropa

Belçikanı şoka salan xəbər: 27 məktəbdə tədris dayandırıldı

28 Noyabr 2023 12:20

Belçikada dünən axşam saatlarında edilən saxta bomba xəbərdarlıqları çaxnaşmaya səbəb olub və 27 məktəbdə təhsil bir gün müddətinə dayandırılıb.

Publika.az xəbər verir ki, Belçikanın paytaxtı Brüssel və ətrafındakı məktəblərə bomba qoyulması ilə bağlı saxta xəbərdarlıq edilib. Bomba təhdidlərinin əsassız olduğu üzə çıxsa da, təhlükəsizlik məqsədilə 27 məktəbdə təhsilin 1 gün müddətinə dayandırıldığı bildirilib.

Valoniya-Brüssel Bölgəsində kommunikasiyalar üzrə baş direktor müavini Cecile Marquette açıqlamasında bildirib ki, son zamanlar çoxlu sayda əsassız bomba xəbərləri alıblar :

"Buna görə də polis bəzi məktəblərdə axtarış aparacaq. Sabah sözügedən məktəblərdə tədris davam etdiriləcək".

Belçikada saxta bomba təhdidi ilə bağlı indiyədək heç bir hüquqi addım atılmayıb. Belçika hökumətindən də hələlik heç bir açıqlama verilməyib.

Nəzrin