Avropa

Olaf Şoltsun Kansler kimi fəaliyyəti başa çatdı

6 May 2025 03:43

Almaniyanın Federal Kansleri Olaf Şoltsun bu vəzifədə fəaliyyətinin başa çatması ilə əlaqədar Berlində vida mərasimi keçirilib.

Publika.az xəbər verir ki, mərasimdə Almaniya Prezidenti Frank-Valter Ştaynmayer, Bundestaqın sədri Yuliya Klökner, dövlət və hökumət rəsmiləri, parlamentin deputatları iştirak ediblər.

Berlindəki “Bendlerblok” kompleksində təşkil olunan mərasimdə çıxış edən Olaf Şolts qarşıdan gələn hökumət dəyişikliyini “demokratik normanın ifadəsi” kimi dəyərləndirib.

“Almaniyaya onun Federal Kansleri kimi xidmət etmək həyatımın ən böyük şərəfi idi və bu, belə də da qalacaq”, - deyən Olaf Şolts yeni hökumətin sivil, kollegial və ləyaqətli şəkildə hakimiyyətə keçməsini yüksək qiymətləndirib, gələcək Kansler Fridrix Mertsə uğurlar arzulayıb.

Qeyd edək ki, Almaniyada hökumət dəyişikliyi rəsmi olaraq mayın 6-da baş tutacaq.