Avropa

Zelenski Moskvanı “bləkaut”la HƏDƏLƏDİ

27 Sentyabr 2025 19:48

Ukrayna Prezidenti Volodimir Zelenski bəyan edib ki, Ukrayna Silahlı Qüvvələri Moskvada “bləkaut” təşkil edə bilər.

Publika.az xəbər verir ki, onun çıxışının videosu UNIAN agentliyinin "Telegram" kanalında yayımlanıb.

Dövlət başçısı Rusiya qoşunlarının Ukraynanın enerji obyektlərinə hücumları halında Ukrayna Silahlı Qüvvələrinin Rusiya Federasiyasının paytaxtına zərbələr endirə biləcəyi ilə hədələyib.

“Kreml bilməlidir ki, Rusiyanın paytaxtında "bləkaut" olacaq”, - deyə o bildirib.

Bundan əvvəl Britaniyanın "The Telegraph" qəzeti öz mənbələrinə istinadla yazıb ki, Zelenski BMT Baş Assambleyasının 80-ci sessiyası çərçivəsində 23 sentyabrda ABŞ Prezidenti Donald Trampla qapalı görüş zamanı Vaşinqtondan “Tomahawk” qanadlı raketlərinin tədarükünü istəyib. Nəşrin məlumatına görə, Ağ Evin rəhbəri Ukraynaya uzun mənzilli qanadlı raketlərin verilməsi çağırışını qəbul edib, bu da Moskvanı Kiyevin zərbə məsafəsinə daxil edəcək.

Hüseyn İbadlı